Presidenti i Republikës, Ilir Meta ka përkujtuar ditën e sotme përmes këngës “The final Countdown” 32-vjetorin e rënies së murit të Berlinit. Presidenti ka dhënë dhe një mesazh për Bashkimin Europian, ku shprehet se çdo mur që ndan sot Shqipërinë nga Europa e Bashkuar “është i destinuar të shembet”.
Meta ka shkruar në profilin e tij në Facebook se “Liria, të drejtat dhe dinjiteti njerëzor, demokracia dhe shteti i së drejtës do të triumfojnë padiskutim”.
“Të bashkuar rreth këtyre vlerave do të afrohemi më shpejt drejt Europës! Gëzuar përvjetorin e Shembjes së Murit të Berlinit!”, ka shkruar më tej Meta.
Shembja e murit të Berlinit përkujtohet sot në të gjithë Europën si një simbol i Lirisë dhe i bashkimit. Kanë kaluar plot 32 vite që nga shembja e murit të Berlinit, simboli i Luftës së Ftohtë. Muri filloi të ndërtohej më 13 gusht të vitit 1961 nga Gjermania Lindore, dhe ndau Berlinin në dy pjesë: pjesa perëndimore dhe pjesa lindore, sepse banorët e këtij shteti po emigronin drejt Gjermanisë Perëndimore, nga e cila do të shkonin në Spanjë, Francë dhe Angli për të ikur nga regjimi komunist i cili po i shkatërronte të gjithë. Muri i Berlinit nuk e ndau Gjermaninë vetëm territorialisht, por ndau dhe mijëra familje nga njëra tjetra.
Rënia e murit të Berlinit shënon një epokë të re për demokracinë në Europë. Muri u shemb më 9 nëntor të vitit 1989
