Presidenti Ilir Meta ka reaguar për paraqitjen e mirë të peshëngritësit Briken Calja në Lojërat Olimpike. Meta shkruan në një postim në Facebook se Calja bëri një përfaqësim të shkëlqyer dhe kjo ishte një arritje dijnitoze për Shqipërinë.
“Në vendin e katërt në botë, vetëm për 1 kg larg medaljes olimpike. Përfaqësim i shkëlqyer i Briken Caljas dhe një arritje dinjitoze për Shqipërinë! “, shkruan Meta.
Peshëngritësi Brien Calja arriti vendin e katërt në stilin me shtytje, me vetëm 1 kg që e ndante nga medalja olimpike. Ai fillimisht garoi në stilin e shkëputjes, duke ngritur 151 kilogramë në provën e dytë, që e pozicionoi atë në vendin e shtatë.
Në garën e stilit me shtytje, Calja ngriti në provën e parë 184 kilogramë. Në provën e dytë ai provoi 188 kilogramë, por nuk arriti ta mbante shtangën lart. Ndërsa në provën e tretë, peshëngritësi plot 190 kilogramë me sukses. Kështu, ai u nda nga medalja e bronztë, që do të ishte e para medalje olimpike për Shqipërinë, me vetëm 1 kilogramë. Megjithatë kjo ishte një paraqitje e mirë për Briken Caljan, i cili më parë në Lojrëat Olimpike “Rio 2016” kishte arritur në vendin e pestë. Tashmë sytë janë nga atletët e tjerë, me Luiza Gegën dhe Izmir Smajlajn që pritet të graojnë në sportet përkatëse.
