Vazhdon përplasja e Kryeministrit Rama me Presidentin Meta. Së fundi Rama aludoi se Meta takon viktimat ë OFL-së, ndërsa ky e kërcënoi se do të organizojë protesta.
Meta i bën thirrje kryeministrit që të mos prekë marrëveshjen e 5 qershorit. Nëse marrëveshja do të cenohet, atëherë Presidenti do të dalë në protestë në çdo cep të Shqipërisë, deklaroi Meta
“Mister 1 Prilli, ti gënjen edhe kur s’e hap gojën. Mos guxo të vesh dorë mbi Marrëveshjen e 5 Qershorit! Shqipëria kurrë s’ka njohur trafikant më të papërgjegjshëm se sa ti, peng i bandave dhe armiqve të Shqipërisë. Po e preke 5 qershorin, Ilir Metën do e kesh në çdo shesh të Shqipërisë dhe ti do ëndërrosh fatin e shokut tënd që ngeli dhe pa parti. Nëse ndonjë mik i huaj të është ankuar për mua, kërkoji leje se e publikoj unë se çfarë i kam thënë, që ta dëgjojë mbarë bota se për ç’miq bëhet fjala” – shkruan Meta në Facebook.
Më parë ishte Rama që deklaroi se “Patjetër që PS nuk është as kompani fitimprurëse dhe nuk është as PD, as një furgon i shpikur KCK dhe as një tren mallrash si kartelet e koalicioneve të PD, është një familje politike ku ka rregulla dhe ka të drejtë që të rendisë skuadrën e vet, nga portieri te sulmuesi bashkë me rezerva dhe cdo rezervë që merr votat futet në fushë, shumë e thjeshtë. SHPK për të lëshuar deri në viktimat e OFL që kontaktohen nëpër skuta katundesh nga i pari i vendit, nuk ka. T’i harroj Ilir Meta, që del e flet në emër të Kushtetutës me një gjuhë që mbase i shkon me viktimat e OFL, po nuk i shkon me PS dhe popullin shqiptar”, deklaroi Rama
