Presidenti Ilir Meta dy orë para nisjes së tubimit të thirrur nga vetë ai, ka shpërndarë një video-mesazh për qytetarët.
Me mimoza në duar, presidenti shprehet se Kushtetuta po pret popullin e Kushtetutës.
“Të dashur motra e vëllezër, Kushtetuta e popullit, po pret popullin e Kushtetetutës. Edhe pa momente na ndajnë nga nisja e pranverës kuqezi. Mirësevini të gjithë”, u shpreh Meta
Manifestimi i thirrur nga presidenti pritet të nisë në orën 17:00 dhe të përfundojë në orën 19:00.
Kauza kryesore e tubimit të thirrur nga Meta, është mbrojtja e Kushtetutës.
Sipas kreut të shtetit, me emërimet në Gjykatën Kushtetuese, qeveria e Edi Ramës ka bërë grusht shteti ndaj Kushtetutës.
Ndërkohë as kryeministri nuk ka ndenjur duarkryq, pasi pak momente më parë ai ka mbledhur deputetët dhe ministrat socialistë në selinë e PS.
