Presidenti Ilir Meta ka reaguar pas përplasjes së ndodhur tek zyrat e FRD pak ditë më parë, ku edhe ai ishte i përfshirë. Meta ka publikuar dokumente që sipas tij faktojnë se Bashkia e Tiranës ka shkelur ligjin. Presidenti iu referua marrëveshjes së firmosur nga FRD me Bashkinë duke thënës e këta të fundit kanë dërguar një letër pa vulë e pa numër protokolli.
“Në korridoret e FRD, ishte ngjitur një letër, pa vulë, pa emër titulluari, pa numër protokolli, e datës 3 mars, me qëllim që të dukej si akt zyrtar, me qëllim terrorizimin e FRD-së dhe të opozitës. Më pas, FRD-së i është shkëputur energjia. Kryetari, pas letrës njoftoi edhe presidentin. Pasi mbërrita në selinë e FRD-së, bisedova në lidhje me këtë situatë të krijuar. Policët ishin futur në FRD, sikur aty ishte skenë krimi. Policët donin të pengonin presidentin në punën e tij. FRD nuk ka zaptuar zyrë publike”, tha Meta.
Më tej presidenti ka thënë se Bashkia do duhej ta dërgonte çështjen në Gjykatën Administrative e jo ta zgjidhte me vetëgjyqësi, bazuar tek marrëveshja e nënshkruar. Meta tha se vetëm aps presionit të madh public, në 13 mars Bashkia ka dorëzuar një shkresë zyrtare. Në momentin që ka ndodhur konflikti nuk ka qenë asnjë shkresë që i jepte të drejtë Bashkisë së Tiranës.
“Bashkia Tiranë nuk ka asnjë autoritet ta zgjidhë me vetëgjyqësi këtë çështje. nëse do e konsideronte një mosmarrëveshje do e dërgonte në gjykatën administrative siç kanë rënë dakord në marrëveshjen e nënshkruar. Çdo veprim tjetër i kryer për lirimin e ambienteve, jo vetëm që është antikushtuetes por përmban elementë të veprës penale.
Pas presionit të madh publik dhe mediatik bashkia më 13 mars i ka dorëzuar në mënyrë formale një shkresë zyrtare. Kjo shkresë i referohet urdhrit të ndërmarrë gjatë orëve të natës më 12 mars. Si urdhri ashtu dhe vendimi nuk i referohen marrëveshjes së nënshkruar mes bashkisë dhe FRD para 15 viteve dhe as ligjit për partitë politike. Momenti që ka ndodhur konflikti kjo ka qenë letra, as e bakallit që i ka çuar bashkia FRD-së. Nuk ekziston në botë dhe në vendin më të humbur afrikan ku nuk ka shkrim e këndim, një letër e tillë që të konsiderohet një akt nga pikëpamja formale e administrative.
Vetëm më 12 mars kemi një akt nga bashkia që i plotëson kushtet nga ana formale për të qenë një akt dhe pse është i paligjshëm sepse nuk ka asnjë referencë ligjore”, tha Meta.
