Presidenti i vendit Ilir Meta, ka reaguar sërish ditën e sotme me anë të një mesazhi në rrjetet sociale. Kreu i shtetit i ka bërë thirrje rinisë vlonjate dhe të gjithë vendit do shpartallojë thelë ekipin e bandave të “Astirit” dhe horrave të “Rilindjes”. Presidenti ka publikuar edhe një video nga takimi me talentet e reja të futbollit në Vlorë. Ndër të tjera Meta shtoi se do të rikthehen për të luajtur së bashku vetëm për fitoren e Vlorës dhe të gjithë Shqipërisë.
POSTIMI I PLOTE
Në ambientet e stërvitjes së talenteve të reja të futbollit në Vlorë, me të ardhmen premtuese të “Flamurtarit” dhe Ekipit Kombëtar, ku mjeshtrat e vegjël të ekipit “Vlora B” dhe trajneri i tyre i përkushtuar Bardhyl Xhakollari më ftuan për një miqësore.
U premtova se pas 25 Prillit, kur rinia vlonjate dhe e të gjithë vendit do shpartallojë thellë ekipin e bandave të “Astirit” dhe horrave të Rilindjes, do rikthehem në fushën e tyre për të luajtur së bashku vetëm për fitoren e Vlorës dhe të Shqipërisë.
Kujtojmë se Presidenti Meta ka bërë shpesh thirrje nga qyteti i Vlorës, për pjesëmarrjen e lartë në zgjedhje. Kryeministri Edi Rama, e ka akuzuar shpesh herë se presidenti po kandidon fshehurazi në qytetin e Vlorës.
