Avokati i Ilir Metës, Genc Gjokutaj, ka dorëzuar një rekurs në Gjykatën e Lartë, duke kërkuar lirimin e liderit të Partisë së Lirisë nga masa e arrestit me burg.
Ai e ka cilësuar arrestimin e Metës si të paligjshëm dhe pa prova, duke shtuar se nuk ekziston asnjë rrezik për prishje të provave apo largim nga drejtësia.
Sipas gazetës Klodiana Lala, në kërkesën e dorëzuar, Gjokutaj ka theksuar se Meta, si një nga drejtuesit kryesorë të opozitës, duhet të lirohet për të kryesuar fushatën elektorale për zgjedhjet parlamentare të 11 majit.
Avokati gjithashtu ka denoncuar mënyrën e arrestimit të Metës, duke e quajtur atë një veprim “banditesk” nga ana e Policisë së Shtetit.
Gjykata e Lartë pritet të caktojë relatorin dhe të shqyrtojë këtë çështje, ndërsa SPAK vijon hetimet ndaj Ilir Metës dhe bashkëshortes së tij, Monika Kryemadhi, për korrupsion, pastrim parash dhe fshehje pasurie.
