Presidenti i vendit, Ilir Meta ka ‘harruar’ funksionin e tij politik dhe ka nisur fushatën elektorale. Edhe pse jashtë çdo force politike, Meta nuk ndahet lehtë nga partia e tij LSI.
Nuk është hera e parë që Presidenti i vendit po jep mesazhe elektorale, teksa bën thirrje për pjesëmarrje massive në votimet e 25 prillit.
Edhe pse jemi tre muaj larg zgjedhjeve, Meta ka zbritur më herët në terren pas deklaratave të Ramës se do e çontë LSI-në për skrap.
Ai gjithashtu i ka ardhur në ndihmë bashkëshortes së tij, e cila “menaxhon” partinë, për sa kohë Meta mban vendin e Presidentit.
Pas Vlorës, sot Meta ndodhej në Korçë, ku zhvilloi dhe një takim me të rinjtë e këtij qyeteti, teksa theksoi se referendumi është një mundësi historike.
“Unë besoj fort tek demokracia. Demokracia është fuqia e popullit. Forca e popullit qëndron tek vota dhe referendumi i 25 prillit është një mundësi historike për hapur një epokë të re të ndryshimit të madh për të rinjtë.”, është shprehur Meta.
Por ajo që vlen tjetër të theksohet është thyerja e çdo rregulli anti-covid dhe grumbullimeve të panevojshme të njerëzve për qëllime elektorale. Shihet qartë se Presidenti Meta është në një ambient të mbyllur me një grup njerëzish, ku asnjë prej tyre nuk mbanë maskë.
Pavarësisht se vendi ndodhet në një situatë të pazakontë, asnjë prej përfqaësuesve politik nuk ka gjetur mënyra të përciellies së mesazheve të qytetarët, duke vazhduar kështu me metodat e vjetra.
