Pas deklaratave të bëra nga Presidenti Ilir Meta i cili e quajti shpalljen “non grata” të Berishës, si “fletërrufe” të porositur nga regjimi kleptokrat i Tiranës, Vizion Plus ka kërkuar një koment nga Ambasada e Shteteve të Bashkuara të Amerikës në Tiranë lidhur me këtë deklaratë.
Në bazë të dy pyetje që i drejtoi ambasadës të cilat ishin: A ka pasur ky vendim ndikim nga Qeveria e Shqipërisë? A ka lidhje ky vendim me procesin zgjedhor? Në përgjigjen e ardhur, Ambasada nuk ndalet specifikisht tek deklarata e Metes, por nënvizon se nuk do te mbështes individët e korruptuar.
Dhë përgjigja që mori nga ambasada e SHBA-ve në Tiranë ishte se Sekretari i shtetit ka marrë informacione të besueshme lidhur me përfshirjen e ish-kryeministrit Sali Berisha në afera korruptive dhe se ata nuk e mbështesnin individ të cilët kanë kryer korrupsione në kurriz të popullit.
“Sekretari i Shtetit mori informacion të besueshëm në lidhje me përfshirjen e Berishës në korrupsion të rëndësishëm dhe përpjekjet për të ndërhyrë në proceset publike dhe përvetësimin e fondeve publike në Shqipëri. Me këtë veprim, qeveria e Shteteve të Bashkuara po bën të qartë se ne nuk do të angazhohemi, dhe si rrjedhim, nuk do t’u japim kredibilitet dhe mbështetje, individëve të korruptuar si Berisha, një individ që Sekretari i Shtetit ka përcaktuar se ka kryer veprime korruptive në kurriz të popullit shqiptar.”,- është shprehur ambasada e SHBA-ve në Shqipëri.
