Tiranë, 11 Korrik 2024 – Presidenti i Partisë së Lirisë, Ilir Meta, ka bërë thirrje qytetarëve shqiptarë të marrin pjesë në protestën që do të mbahet sot para Kryeministrisë. Në një postim në rrjetet sociale, Meta ka theksuar rëndësinë e kësaj proteste kundër asaj që ai e quan “Narkoshtet”.
“Të gjithë shqiptarët e lirë dhe patriotë sot në shesh kundër Narkoshtetit! Erdhi fundi i regjimit të Tontomakutëve dhe Dum-Dumanëve! Beteja jonë për 4 milion shqiptarë plus nuk ka kthim pas! Shqipëria u përket shqiptarëve! Shqipëria u përket të rinjve!” – ka shkruar Meta në postimin e tij.
Meta ka theksuar rëndësinë e pjesëmarrjes së qytetarëve në këtë protestë, duke nënvizuar se është një betejë për të ardhmen e vendit dhe për të rinjtë shqiptarë. Ai ka shprehur bindjen se fundi i regjimit aktual është afër dhe se Shqipëria duhet t’i përkasë shqiptarëve të vërtetë.
