Lionel Messi ka thënë fjalët e para si lojtar i PSG-së. Ylli argjentinas, në konferencë për shtyp, ka folur për transferimin te skuadra franceze, largimin nga Barcelona, si dhe për objektivin që ka te parisienët: fitimin e Champions League!
“Gjithçka që më ka ndodhur javën e fundit, ishte e vështirë, e papritur, por në të njëjtën kohë, shumë e shpejtë. Ka shumë entuziazëm. Unë jam shumë i lumtur që jam këtu. Unë duhet t’i kem asimiluar të gjitha këto ndjenja për një javë. Ne bëmë atë që mundëm.
Në Barcelonë, sapo u lançua njoftimi për shtyp, tifozët jashtë! Është çmenduri. Shpresoj se mund ta shijoj shumë këtë stadium dhe qytet. Dhe shpresoj se do të jetë një sezon i mrekullueshëm”, tha fillimisht Messi.
Më pas, ylli argjentinas shtoi: “Detajet e vogla do të bëjnë diferencën. Ne e dimë se sa e vështirë është Liga e Kampionëve, edhe PSG-ja gjithashtu. Duke qenë shumë afër fitimit të tij, është gjithmonë e vështirë. Duhet një grup i bashkuar, i fortë. Edhe pak fat, sepse ky është një faktor përcaktues. Jo gjithmonë fiton më i miri.
Mendoj se po vij në një ekip të suksesshëm. Unë mund të ndihmoj skuadrën duke u përpjekur të jap maksimumin tim. Ëndrra ime është të jem në gjendje të fitoj edhe njëherë Champions-in”, përfundoi Lionel Messi.
