Lionel Messi ka bërë debutimin e shumëpritur me Paris Saint-german, teksa ekipi mori një fitore përballë Reims.Ylli argjentinas nuk e nisi ndeshjen në formacionin fillestar, teksa Pochettino vendosi t’i jepte minuta në pjesën e dytë. Në minutën e 66-të dhe në një imazh që ishte pothuajse ikonik, argjentinasi hyri duke zëvendësuar mikun e tij të ngushtë Neymar, me të cilin u përqafua siç ndodhte në “Camp Nou”, kur të dy luanin te Barcelona, para se të merrte një ovacion të jashtëzakonshëm nga tifozët e Reims, që ai ishin po aq të emocionuar sa edhe tifozët e PSG -së për të parë argjentinasin të luante në Ligue 1.
Por ishte Kylian Mbappe ai që e mori gjithë vëmendjen, duke i dhuruar i vetëm fitoren parizienëve. Francezi shënoi dy gola, duke i dhënë ekipit tre pikët e radhës .
Ndërkohë, pavarësisht zërave që e afrojnë Mabppe gjithnjë e më shumë me Real Madrid, trajneri Pochettino është shprehur pas ndeshjes se Mbappe është një lojtar i PSG.
“Mbappé është lojtari ynë. Industria e futbollit është plot me thashetheme. Presidenti ynë dhe Leonardo janë shumë të qartë. Ai është këtu me ne. Unë jam shumë i lumtur që e kam atë. Ai është një nga më të mirët”, argjentinasi.
