Qeveria ka dështuar me menaxhimin e mësimit online në universitete! Kështu ka thënë eksperti i arsimit, Ndriçim Mehmeti në emisionin “Alert” duke iu referuar deklaratës së ministres Evis Kushi për zgjatjen e sezonit të provimeve. Mehmeti, që është edhe bashkëhartues i planit të Partisë Demokratike për arsimin, ka thënë se sipas vendimeve që po merren, i bie që shkolla e lartë të mbyllet në gusht. Ndërkohë, ka universitete që i kanë kapacitetet për hapjen e auditoreve.
“Komiteti i Ekspertëve Teknik i cilëson si zonë e nxehtë, nuk e kuptoj deklaratën e ministres së Arsimit Evis Kushi me zgjatjen e sezonit të provimeve me 45 ditë. Me këtë deklaratë kanë dështuar dhe po dështojnë. Nuk mund t’ja ngarkosh gjithë barrën shkollave, universitetit, se për çfarë është Minisria e Arsimit? Sipas vendimeve të këtyre, i bie që të pregatitemi që shkolla e lartë të mbyllet në gusht. Në universitetin e Durrësit ka mjedise të mëdha ku mund t’i akomodojnë studentët dhe të zhvillohet mësim në auditore. Pse studentët e Arteve që bëjnë mësim pothuajse individual, si mund të mbyllen në mënyrë ketegorike të gjitha shkollat?”, është shprehur Mehmeti.
Ndër të tjera ai ka thënë se problematike është situata edhe për shkollat e mesme dhe për ato profesionale, pëë të cilat kryeministri nuk flet më. Ndërkohë, ai krahason vendin tonë me Kosovën, ku Mehmeti thotë se ka buxhet për paisjen e nxënësve me tableta.
“Matura dhe klasa e 11 është problem. Çfarë do bëjnë këta? Po shkollat profesionale, as kryeministri që e kishte qef nuk flet më. Nuk janë marrë masa që në fillim, nuk ka buxhet. Sipas udhëzimit të Ministrisë së Arsimit të Kosovës, ka trajtim onlinedhe buxhet 12.5 mln euro. Kanë blerë tableta në përdorim të shkollës dhe ju jepen nxënësve për ndërveprim. Plani ynë prej 5 pikash u hodh poshtë, kërkuam si Kosova tamponimin e të gjithë mësuesve. Sot kur je pa plan nuk ke çfarë më thua mua të bëj. As maska, as dezinfektantë falas për mësuesit, janë rreth 600 mijë staf në shkolla. Universiteti i Durrësit është i kushtëzuar nga praktika, ka programe 2 vjeçare dhe në fund studentët do marrin një karton që nuk do t’i vlejë në punë. Po ashtu, një pjesë e fëmijëve janë bërë pjesë e bullizmit, nga mungesa e celularit, internetit”-ka thënë pedagogu Ndriçim Mehmeti.
