Vdekja e Kostandin Kacifas ka shkaktuar jo pak indinjatë dhe probleme diplomatike, ndërsa ditën e sotme mesa duket situata nuk ka ndryshuar shumë.
Tashmë gjashtë muaj pas vrasjes në fshatin Bularat është duke u zhvilluar mesha përkujtimore për të, ndërkohë që pala shqiptare në Kakavije ka kthyer pas plotë 12 grekë me argumentin se cënonin sigurinë publike dhe nuk plotësonin kushtet.
6 prej grekëve ishin gazetarë, por për mos të shkaktuar probleme të mëtejshme i kanë ndaluar të kalojnë kufirin.
Mirëpo problem ka pasur edhe për mediat shqiptare, të cilat familjarët nuk i kanë lejuar që të filmojnë në kishë gjatë meshës, ndërkohë që gjatë kohës që kanë qenë në varreza i kanë larguar.
Kujtojmë që Kostandin Kacifas është vrarë në nëtor të vitit 2018 gjatë një shkëmbimi zjarri mes tij dhe policisë. Ngjarja ka bërë bujë të mëdhe si në vendin tonë dhe atë fqinj, madje ka shkaktuar edhe incidente dhe tensione diplomatike mes dy vendeve.
