Mesfushori i Manchester United, Bruno Fernandes është emëruar lojtari më i mirë i Premier League për muajin dhjetor. Portugezi ka marrë vëmendjen maksimale gjatë javëve të fundit ku ka regjistruar paraqitje fantastike.
Është hera e katërt që ai e fiton çmimin që nga ardhja nga Sporting Lisbon 12 muaj më parë. Fernandes i afrohet një rekordi, pasi ka fituar çmimin katër herë në një vit kalendarik.
Fernandes shënoi tre gola në gjashtë paraqitje në Premier League në dhjetor ndërsa skuadra e Ole Gunnar Solskjaer mbeti e pamposhtur, duke fituar katër ndeshje dhe duke barazuar dy të tjera.
26-vjeçari shënoi dy herë për skuadrën e tij kur fituan 6-0 ndaj Leeds. Gjithashtu gjeti rrjetën në barazimin 2-2 të Boxing Day me Leicester dhe ofroi katër asistime në dhjetor. Mesfushori portugez ka shënuar 15 gola në 26 ndeshje këtë sezon në të gjitha garat, duke ndihmuar Manchester United të lëvizë tre pikë larg Liverpoolit në krye të tabelës së Premier League. United udhëton në Anfield të Dielën për një përplasje të ashpër me kampionët në mbrojtje.
Ndërkohë Rooney dhe Van Persie kanë nga pesë çmime, Kane dhe Gerrard me nga gjashtë dhe në fund Kun Aguero i cili ka shtatë çmime dhe qëndron në vendin e parë.
