Mjekët dhe infermierët e spitalit Infektiv janë duke kaluar ditë të vështira, pasi po përballen me një virus, për të cilin dihet shumë pak.
Bluzat e bardha kanë publikuar së fundmi një mesazh për qytetarët.
Në mesazh thuhet se njerëzit nuk duhet t’i shohin çuditshëm, pasi janë po të njëjtët, thjesht u ka ndryshuar uniforma.
Më tej mjekët shtojnë, se ata dhe familja e tyre janë në rrezik.
Bluzat e bardha shprehin bindjen se do t’ja dalim të mundim koronavirusin, ndërsa bëjnë thirrje për qytetarët që të qëndrojnë në shtëpi.
“Per te gjithe ju qe na shihni cuditshem kur ne futemi te godina e spitalit Infektiv , te kthyer ne karantin tashme⛔️❌. Jemi ne infermieret,mjeket,sanitaret ato q kemi qene gjithmon ne sherbimin tuaj vecse tani ka ndryshuar uniforma jone. Por ne jemi serisht te njejtet vecse ne nje mision te veshtire qe t gjithe ju sdo e kuptoni! Ne jemi me të rrezikuarit nga te gjithe , ne rrezik esht dhe familja jone ndaj Ju lutem mos na shihni cuditshem e mos na pyesin si ja dalim ! Se ne të gjithe bashke ja dalim dhe të gjithe bashkë do dalim shendosh e mir nga ky mision ! Me mbeshtetjen e madhe te shefes sone prof. Najada Çomo do ja dalim jam e bindur per kete !Ju lutem ju qendroni ne shtepi ! Ama ne nuk mundemi ! Lutem per stafin tim , per Kliniken e pare te spitalit infektivit !, thuhet në mesazhin e mjekëve.
Aktualisht në vendin tonë janë regjistruar 23 të prekur dhe 1 viktimë nga koronavirusi.
Qeveria ndërkohë ka nxjerrë në rrugë ushtrinë dhe policinë, ndërsa ka bllokuar qarkullimin e makinave private deri të dielën në mesnatë.
Gjithashtu janë anuluar të gjitha tubimet, është ndërprerë puna në fasoneri e call center-a, janë mbyllur shkollat dhe lokalet.
Për të gjithë ata që nuk respektojnë rregullat e vetëkarantinimit, kryeministri Edi Rama ka paralajmëruar gjoba deri në 5 mijë euro.
