Një 52-vjeçar shqiptar është gjetur i varur në litar në Trieste të Italisë.
Fqinjët pasi ndjenë erën e keqe nga apartamenti njoftuan menjëherë policinë.
Ata i thanë gjithashtu forcave të rendit, se kishin parë një njeri me kokë të prerë, shkruan “Top Channel”.
Menjëherë pas njoftimit, policia mbërriti në vendin e ngjarjes dhe pas një vlerësimi paraprak, konstatoi se shqiptari mund ta ketë kryer aktin fatal dhjetë ditë më parë.
Fqinjët e përshkruan shqiptarin si një njeri të mirë dhe punëtor, por shumë të mbyllur.
Fillimisht ato kishin menduar se era e keqe vinte nga kafshët e ngordhura, por me kalimin e ditëve, aroma u bë e padurueshme.
Në murin e dhomës së apartamentit ku u gjet i varur shqiptar u gjetën disa fletë të ngjitura ku shkruhej në italisht, “Ne vijmë nga Zoti dhe do të kthehemi te Zoti” dhe “Unë shkoj te perëndia ime” .
Trupi i pajetë i shqiptarit ndodhet në morg, ndërsa shkaqet e vdekjes nuk janë përcaktuar ende.
