Fëmijët në Ukrainë po përjetojnë tmerrin e luftës dhe kanë nevojë për ndihmë.
Aktorja e njohur Angelina Jolie ka vizituar Ukrainën për t’u takuar me fëmijët e prekur nga konflikti dhe organizatat lokale që po operojnë atje për t’i mbrojtur ata.
Jolie, e cila është një e dërguar speciale për Komisionerin e Lartë të Kombeve të Bashkuara për Refugjatët, u takua me fëmijë jetimë dhe të plagosur si dhe me vullnetarë dhe mjekë ukrainas që kujdeseshin për ta.
Aktorja befasoi gjithashtu njerëzit në një kafene në Lviv, në Ukrainën perëndimore.
Pamjet e postuara në rrjetet sociale tregojnë se ajo duke u qëndruar me fëmijët dhe duke nënshkruar autografe për ta.
Që nga fillimi i ofensivës ruse numri i fëmijëve të vrarë në Ukrainë është rritur në 219. Kjo është bërë e ditur nga zyra e Prokurorit të Përgjithshëm, cituar nga Ukrinform.
Nga raportimet zyrtare mësohet më shumë se 398 fëmijë janë plagosur. Zonat e vendit ku përfshihet numri më i madh i të miturve janë rajoni i Donetskut, provinca e Kievit, Kharkiv, Chernihiv, Kherson, Mykolaiv.
Rreth 8,000 trupa të Ushtrisë Britanike do të marrin pjesë në stërvitjet e planifikuara në të gjithë Evropën Lindore në përgjigje të agresionit rus ndaj Ukrainës, në atë që premton të jetë një nga dislokimet më të mëdha që nga Lufta e Ftohtë. Dhjetëra tanke do të vendosen nga tani deri në verë në vendet e Evropës Lindore, nga Finlanda në Maqedoninë e Veriut, sipas planeve të zhvilluara pas pushtimit të Ukrainës nga Rusia.
