Dy punonjës të portit të Durrësit u arrestuan nga policia, për trafik të paligjshëm.
Në pranga ra B.D., 44 vjeç, punonjës terminali i një shoqërie kontraktore, të cilit policia i gjeti gjatë kontrolleve 1300 euro.
Së bashku me të u arrestua edhe T.D. 28 vje, me detyrë agjent doganor, të cilit iu gjetën 500 euro.
Këto persona dyshohet se merrnin shuma deri në 3000 euro, për kalim të paligjshëm të personave me probleme në zonën Schengen.
Gjithashtu po ndiqet në gjendje të lirë edhe punonjësi i policisë kufitare, 32-vjeçari me iniciale V.C.
Hetimi po vijon, për të zbuluar personat e tjerë të përfshirë në këtë skemë.
