Gjykata Kundër Krimit dhe Korrupsionit (GJKKO), ka dhënë dënimin prej 192 vite burg në total për 35 të arrestuarit e operacionit “One if by Land”, I cili u zhvilluan në vitin 2018-të.
Gjykata i shpalli fajtorë grupin prej 35 falsifikatorësh, për trafikimin e rreth 1 mijë personave drejt SHBA-së, Kanadasë dhe Britanisë së Madhe.
Mësohet se për kontrabandimin e këtyre personave, ata përfitonin nga 25-30 mijë euro për çdo emigrant që udhëtonte drejt SHBA dhe Kanadasë dhe 10 mijë paund për ata drejt Anglisë. Grupet kriminale u shkatërruan në mars të 2018-tës, pas një operacioni që u drejtua nga ish-Prokurori i Krimeve të Rënda, Eugen Beci, në bashkëpunim edhe me autoritetet amerikane dhe ato kanadeze.
Sipas hetimeve të shtrira në disa shtete, rezultoi se ku rrjet përbëhej nga 7 grupe kriminale që operonin në Shqipëri, Bullgari, Spanjë, Francë, Republikën Domenikane, Itali, Britani, Irlandë, SHBA e Kanada.
Trafikantët shfrytëzonin disa agjenci turistike në Tiranë, Lezhë dhe Shkodër për prerjen e biletave fillimisht drejt vendeve të Bashkimit Europian.
Më pas qytetarët e interesuar për të emigruar në Amerikë, Kanada dhe Angli pajiseshin me dokumente të falsifikuara së bashku me një biletë të re për të udhëtuar drejt këtyre vendeve.
Përveç 35 personave të dënuar, më 17 mars 2018 u arrestuan dhe katër punonjës të Policisë së Shtetit për shpërdorim detyre pasi nuk kishin kryer regjistrimin e personave të kontrabanduar në pikat kufitare të Hanit të Hotit dhe Qafë Thanë. Gjithashtu 12 të tjerë si të përfshirë në këtë aktivitet kriminal u shpallën në kërkim.
Burimi: Euronews Përshtati: GazetaReforma.com
Të dënuarit:
1-Ardian Corri 8 vite burg;
2-Luan Qyrku 7 vite burg;
3-Eno Mucollari 6 vite burg;
4-Ardian Gurakuqi 6 vite e 4 muaj burg;
5-Zaim Hysenbelliu 7 vite burg;
6-Arben Kajaçi 6 vite burg;
7-Genci Osmanaj 5 vite 4 muaj burg;
8-Oltjan Serani 4 vite burg;
9-Tanush Prenga 5 vite 4 muaj burg;
10-Liri Muçollari 4 vite burg;
11-Fuat Zaimi 5 vite 8 muaj burg;
12-Nikolin Priska 4 vite burg;
13-Ylber Rama 4 vite burg;
14-Haki Tarja 4 vite burg;
15-Bedri Bendaj 6 vite burg;
16-Erenik Avdylli 4 burg burg
17-Nik Bushi 5 vite 8 muaj burg;
18-Kolë Vushaj 7 vite e 4 muaj burg;
19-Emiljan Sinjari, 4 vite burg;
20-Alfred Kalaj 8 vite burg;
21- Mhill Zefi 6 vite burg;
22-Nosh Volaj 5 vite e 4 muaj burg;
23-Prel Gjelaj 5 vite burg e 4 muaj;
24-Sokol Duli 6 vite e 8 muaj burg;
25-Euglen Dushku 4 vite burg;
26-Leonora Dushku 4 vite burg;
27-Roza Frroku 4 vite burg;
28-Blerim Brahimi 5 vite 4 muaj burg;
29-Luigj Shtinja, 5 vite 4 muaj burg;
30-Esat Cakoni 4 vite burg;
31- Fatos Muja 5 vite 8 muaj burg;
32-Kreshnik Muja, 5 vite 8 muaj burg;
33- Artur Karaj, 6 vite burg;
34-Kristian Zallinaj 5 vite e 4 muaj burg;
35-Mensur Selami, 6 vite burg
