Pas ankesave të naftëtarëve të Ballshit mbi situatën në të cilën ato ndodhen, tashmë ka ardhur një reagim nga ministrja Balluku.
Sipas Ballukut naftëtarët e rafinerisë në Ballsh do të paguhen për 2 vite me pagë në vlerën 30 mijë lekë nga buxheti i shtetit.
“Është marrë një vendim në Këshill të Ministrave që të mbulohet nevoja e naftëtarëve, e 830 naftëtarëve që janë në kushtet e papunësisë për shkak të mos funksionimit të rafinerisë së Ballshit, që dua të theksoj se është një entitet privat i privatizuar prej vitesh, por që shtetit duke ndjerë të gjithë peshën sociale i ka kompesuar vitin e kaluar dhe do i kompesoje edhe në buxhetine 2022, me një shumë totale prej 300 mln lekësh, paga për secilin prej naftëtarëve do jetë 30 mijë lekë, pra pagë papunësie dhe numri i naftëtarëve është 830 naftëtarë.Në dijeninë time, duke qenë si cështje që ndiqet nga, është një përgjegjësi sociale e rëndësishme, nëse nuk do ketë zhvillime të tjera ne do marrim përsipër për të gjithë ata naftëtarë që nuk do punësohen diku gjetkë, edhe vitin 2023.”, tha ministrja sot në Komisionin për Veprimtaritë Prodhuese, Tregtinë dhe Mjedisin”, u shpreh Balluku.
Kujtojmë që në vitin 2020 qeveria miratoi fondin e veçantë prej 580.2 milionë lekë për pagesat e 870 naftëtarëve të Fierit.
Ndërkohë në fillim të muajit tetor naftëtarët e Ballshit u mblodhën pranë ambienteve të uzinës së përpunimit të naftës sepse kërkonnin të dinë se si do të veprohet pas përfundimit të kontatës me qeverinë shqiptare.
Kreu i Sindikatës, Sokol Dautaj foli para mediave duke thënë se 850 punonjës janë pa zgjidhje dhe mbajnë shpresën tek fjala e kryeministrit Edi Rama për zgjidhjen e problemit. Prej një viti, 850 naftëtarë prej një viti kanë kontratë për pagën neto 40 mijë lekë të reja. Kjo marrëveshje përfundoi në fund të maujit tetor muajit dhe naftëtarët kërkonin të dinin se cili do të ishte hapi i radhës. Ata nuk kanë pretendime për operatorin, thjesht duan garanci nga shteti që palët të punojnë. Sa i përket mundësisë për grevë urie, Dautaj u shpreh se janë në kontakt me kryeministrin Rama dhe më parë e kanë bërë për të arritur me një takim me të, gjë që është e mundur sot.
