Nëna e Monika Kryemadhit, Fatime Kryemadhi, është paraqitur ditën e sotme në Prokurorinë e Posaçme Kundër Korrupsionit dhe Krimit të Organizuar. Ajo deklaroi se nuk ka dhënë asnjë deklaratë para prokurorëve, duke shtuar se SPAK nuk po merret me ata që vjedhin shtetin, por me një grua të moshuar.
“Çfarë shpjegimesh mund të jap? Kam shtëpinë time. Jam 80 vjeçe dhe nuk kam asnjë pengesë për të pasur pronën time. Nuk e kuptoj pse merren me një grua të moshuar, kur ka çështje më të rëndësishme për hetim,” tha Fatime Kryemadhi për mediat.
Ajo shtoi se, në vend që të hetohen ata që “shesin copat e shtetit e të popullit,” po merren me një grua të moshuar dhe se janë futur persona nën hetim për shtëpinë e saj.
