Interpol ka ekstraduar nga Italia një 51-vjeçar. Mësohet se ky i fundit është shtetasi Ilir Bashaliu. Personi në fjalë është dënuar me 18 vjet burg nga Gjykata e Apelit Vlorë, ndërsa akuzohet se trafikonte vajzat shqiptare për prostitucion.
Mësohet se me vendimin e datës 26.10.2005, Gjykata e Apelit Vlorë ka dënuar Bashaliun me 18 vjet burg. 51-vjeçari akuzohet për veprën penale “Trafikimi i femrave për prostitucion, në rrethana rënduese” kryer në bashkëpunim”. Mësohet se në Peqin, në qershor 2001, shtetasi Ilir Bashaliu, në bashkëpunim me 5 shtetas të tjerë, kanë dërguar një shtetase në Itali dhe e kanë shfrytëzuar atë për prostitucion.
Bashaliu është arrestuar në Itali, më datë 22.07.2014, dhe deri dhjetor 2021 ka qëndruar në burg për llogari të drejtësisë italiane, për një vepër tjetër penale të kryer në Itali. Falë bashkëpunimit autoritetet italiane, Bashaliu është ekstraduar nga Italia drejt vendit tonë, teksa është një shtetas në kërkim ndërkombëtar, i dënuar me 18 vite burgim.
Interpol njofton:
Nga Zyra Qendrore Interpol Tirana u bë ekstradimi nga Milano, Itali, drejt vendit tonë, i shtetasit Ilir Bashaliu, 51 vjeç. Gjykata e Apelit Vlorë, me vendimin e datës 26.10.2005, e ka dënuar këtë shtetas me 18 vjet burg, për veprën penale “Trafikimi i femrave për prostitucion, në rrethana rënduese” kryer në bashkëpunim”. Ky shtetas është arrestuar në Itali, më datë 22.07.2014, dhe deri dhjetor 2021 ka qëndruar në burg për llogari të drejtësisë italiane, për një vepër tjetër penale të kryer në Itali.
