Një banesë në Shrewsbury Close, në zonën Bloxwich të Walsall, është përfshirë nga flakët, duke lënë të plagosur katër persona.
Dy prej tyre, shqiptarë nga Tepelena, kanë pësuar djegie të rënda, njëri ndodhet me 30% të trupit të djegur, ndërsa tjetri është në gjendje kritike me 60% djegie dhe po trajtohet në spital.
Sipas hetimeve paraprake, zjarri dyshohet të jetë shkaktuar nga rrjedhja e gazit në një bombol që përdorej brenda banesës, e cila, sipas deklaratave të policisë, shërbente për kultivimin e kanabisit.
Në vendngjarje ndërhynë 65 zjarrfikës për të vënë nën kontroll flakët, ndërsa hetimet për rrethanat dhe përgjegjësitë vijojnë.
