Në orët e para të mëngjesit të sotëm, një makinë është përfshirë nga flakët në lagjen “15 tetori” në Tepelenë.
Ngjarja mësohet të ketë ndodhur rreth orës 5:00 të mëngjesit të sotëm, ndërkohë që makina ka qenë e parkuar poshtë pallatit të banesës së pronarit.
Burime nga policia bëjnë me dije se automjeti ishte të pronësi të Shefit të Krimeve të Tepelenës, Gentian Shehu, por mësohet se kjo mund të mos ketë lidhje me ngjarjen, pasi dyshimet e para janë për defekt elektrik.
Megjithatë policia tashmë ndodhet në vendngjarje dhe është duke hetuar të gjitha pistat për të vendosur cili ka qenë shkaku përfundimtar që ka shkaktuar këtë dëm.
Njoftimi i policisë
Në datën 11.04.2019, rreth orës 5:00, në lagjen “15 shtatori”, Tepelene, ka marr flakë dhe është djegur në pjesën e përparme mjeti tip “Ford”, (mjeti ka qënë i parkuar para pallatit), në përdorim të shtetasit G.Sh.
Në vëndngjarje shkoi grupi hetimor dhe nga hetimet e para proceduriale rezultoi se shkaku i djegies së mjetit është aksidental(difekt elektrik).
