Një banesë në fshatin Shoshaj të Matit, është përfshirë nga flakët në orët e para të mëngjesit të sotëm.
Si pasojë e flakëve, është lënduar kryefamiljari P.D., së bashku me bashkëshorten dhe dy fëmijët.
Ata janë nisur me urgjencë për ndihmë të specializuar drejt Tiranës.
Mësohet se të gjithë janë jashtë rrezikut për jetën.
Nga veprimet paraprake, dyshohet se zjarri është shkaktuar aksidentalisht, nga një pajisje elektrike.
Grupi hetimor ndodhet në vendngjarje dhe po punon për zbardhjen e rrethanave.
Njoftimi i policisë
“Mat / Informacion paraprak. Rreth orës 03.55, shërbimet e Komisariatit të Policisë Mat, kanë marrë njoftim se në fshatin Shoshaj, ka rënë zjarr në banesën e shtetasit P.D, ku si pasojë janë lënduar kryefamiljari, bashkëshortja dhe dy fëmijët e tyre, të cilët janë dërguar për ndihmë më të specializuar drejt Tiranës, aktualisht ndodhen jashtë rrezikut për jetën. Nga veprimet paraprake të kryera dyshohet se zjarri është shkaktuar aksidentalisht, pasi nga pakujdesia kanë lënë ndezë e një pajisje elektronike. Grupi hetimor ndodhet në vendngjarje dhe po punohet për zbardhjen e plotë të shkaqeve të rënies së zjarrit në banesë“.
