Brexit mesa duket ka probabilitet të lartë që të ndodhë pa asnjë marrëveshje dhe këtë e ka thënë vet kancelaria gjermane, Angela Merkel.
Sipas Merkel Bashkimi Evropian duhet të fillojë që të përgatitet, pasi ekziston mundësia që javën e ardhshme Brexit të ndodhë dhe pas asnjë marrëveshje.
“Ne duhet të bëjmë gjithçka deri në çastin e fundit për të arritur një Brexit të rregullt, por ne duhet gjithashtu të jemi të përgatitur për mundësinë që kjo të mos ndodhë”, tha Merkel para gazetarëve në kuadër të bisedimeve në Bruksel me homologët e BE-së.
Sipas saj dalja e Britanisë nga Bashkimi Evropian është me rëndësi historike jo vetëm për rolin që ka pasur që në krijimin e këtij unioni,por edhe për bashkëpunimin strategjik që ekziston duke thënë se kjo është arsyeja përse duhet të veprojmë me kujdes.
Brexit është kthyer në temën kryesor tashmë që po diskutohet në Bashkimin Evropian dhe kjo për arsyen sepse kryeministrja britanike,Thersa May ka kërkuar shtyrje të afatit nga 29 mars deri në 30 qershor për të arritur një marrëveshje.
Megjithatë nga ana tjetër deklaratat e deritanishme të ardhura nga BE kanë qenë pro kësaj shtyrjeje vetëm në rast se pranohet marrëveshja e tanishme që Britania ka bërë me unionin.
