Kryeministri Edi Rama në një intervistë për median gjermane, ka deklaruar se Angela Merkel, do t’i mungojë Rajonit, por edhe Europës.
Rama theksoi se rrallëherë ka takuar tjetërkënd që të njohë aq mirë Ballkanin Perëndimor e problemet e tij.
PYETJE: Angela Merkel është një nga mbështetëset tuaj. A është largimi i saj një lajm i keq për hyrjen tuaj në BE?
Duhet të pohoj se kancelarja ka pasur një ndjeshmëri të veçantë për çështjet tona, çka lidhet me siguri edhe me të shkuarën e saj. Kancelarja është rritur në një dikaturë komuniste, ndaj dhe ndoshta na kupton më mirë se shumëkush. Rrallëherë kam takuar tjetërkënd që të njohë aq mirë Ballkanin Perëndimor e problemet e tij. Ajo do t’i mungojë fort rajonit dhe krejt Evropës.”-është shprehur Rama.
Gjithashtu foli për disa tema të rëndësishme lidhur me rajonin e Ballkanit Perëndimor por jo vetëm. Në fjalën e tij, Rama foli për integrimin në Bashkimin Europian të vendeve të rajonit; marrëdhënien me Kosovën, por dhe për rreziqet me të cilat haset çdo ditë rajoni. Numri një i qeverisë shqiptare, pa përmendur emra, u shpreh se të pambështetur nga BE, 6 vendet mund të ndikoheshin nga të tjera ‘infuenca’ duke nënkuptuar Rusinë dhe Kinën.
