“Demat e kuq” të Partizanit kanë prezantuar ditën e sotme blerjen më të re. Ferhan Hasani është goditja e Partizanit në merkato. Klubi i kuq kishte arritur marrëveshjen prej disa ditësh dhe Hasani ishte i pranishëm dhe në ndeshjen e djeshme me Teutën dhe në derbin e Tiranës. Në mbrëmje klubi i kuq njoftoi se zyrtarisht Hasani është pjesë e “demave”. Ditën e sotme ka ardhur edhe prezantimi i sulmuesit, i cili do të mbajë numrin 24.
“Kampionatin e di mirë, normalisht e kam ndjekur prej kohësh. Që kur kemi nisur miqësinë me të kam filluar ta ndjek edhe me shumë. Për sa i përket anës sime, është e vërtetë se nuk kam ndeshje në këmbë. Unë jam këtu për një kohë të gjatë. Më duhet kohë. Do jap më të mirën për të arritur formën e duhur. Si do shkojë nuk e di, atë do e tregojë koha. Unë nuk jam ‘big name (emër i madh)’, jam si futbollistët e tjerë. Këtë do e tregoj në fushë, le t’ia lëmë kohës”, tha Hasani.
Ndërkohë në lidhje me poziconin që pritet të luajë, Hasani tha se ende nuk e di dbe kjo varet nga preferencat e trajnerit dhe paraqitjet e tij në fushë.
“Të them të drejtën nuk e kam parë veten ku do të luaj. Do e vendosi trajneri se ku do luaj dhe nëse do të luaj apo jo. Varet si do ta marr veten dhe sa të jap për ekipin, Pastaj të shohim se do të shkojnë gjërat. Unë e shoh veten aty ku mendon trajneri se është më mirë për ekipin”.
