Jo gjithçka shkon si duket dhe pikërisht ky është rasti i Grida Dumës. Mesa duket Duma ka vendosur që t’i japi fund martesës së saj me Ilir Shqinën, me të cilin është njohur gjatë kohës që ka qenë studente dhe ai pedagog.
Edhe pse ish- deputetja shpeshherë është shprehur e lumtur me familjen e saj, por gjërat nuk kanë qenë ashtu siç janë thënë pasi ka kërkuar shkurorëzimin nga bashkëshorti.
Kjo është bërë publike nga Elton Qyno, për “Shqiptarja.com”, i cili ka publikuar një dokument ku Grida Duma ka nisur procedurat e divorcit në gjykatë.
Padia civile e saj është regjistruar në sekretarinë e gjykatës së Tiranës dhe në datën 15 shkurt 2019, gjykata e Tiranës me vendimin nr.1057 ka vendosur të divorcojë çiftin.
Në dokumentin e siguruar nga “Shqiptarja.com” thuhet se:“…meqenëse nuk është arritur komunikimi i vendimit për një nga shkaqet e parashikuara nga neni 130 e vijues të K.Pr.Civile, bëhet kjo shpallje me efekt 20 (njëzet) ditor për efekt komunikimi, me anë të afishimit të njërës kopje në Gjykatën ë Rrethit Gjyqësor Tiranë, një kopje do të afishohet pranë vendbanimit të fundit të personit në mungesë, si dhe një kopje në faqen zyrtare të internetit të Gjykatës së Rrethit Gjyqësor Tiranë.
Bashkëlidhur po ju dërgojmë dy kopje të shpalljes, nga të cilat njëra kopje e kësaj shpallje të afishohet pranë vendbanimit të fundit të Ilir Shqina dhe kopja tjetër të kthehet sërish pranë Gjykatës së Rrethit Gjyqësor Tiranë me mbishkrimin që shpallja është afishuar si dhe datën e afishimit…”.
