Kryeministrja italiane, Giorgia Meloni, takoi ditën e djeshme Palazzo Chigi Komisionerin Evropian për Punët e Brendshme, Magnus Brunner.
Në qendër të takimit ishin politikat e ardhshme të BE-së për migracionin, përfshirë forcimin e partneriteteve me vendet e origjinës dhe tranzitit të emigrantëve, si dhe zbatimin e Paktit për Migracionin dhe Azilin.
U diskutua gjithashtu koncepti i ‘vendit të sigurt të origjinës’ dhe nevoja për një kuadër më efektiv për kthimet, në pritje të një propozimi ligjor nga Komisioni Evropian.
Një tjetër temë e rëndësishme ishte zbatimi i Protokollit Itali-Shqipëri, me palët që ranë dakord për bashkëpunim të ngushtë operativ.
Brunner, përmes një postimi në rrjetet sociale, theksoi rëndësinë e një qasjeje të përbashkët për kthimet dhe eksplorimin e ideve të reja për menaxhimin e migracionit.
Ai shtoi se Pakti mbi Azilin dhe Emigracionin mbetet prioritet dhe do të zbatohet me shpejtësi.
“Faleminderit, Giorgia Meloni, për pritjen e ngrohtë në Pallatin Chigi. Italia është një partner kyç për Komisionin në menaxhimin e migracionit. Zbatimi i Paktit për Azilin dhe Migracionin është një prioritet për këtë vit – aty ku mundemi, do të veprojmë më shpejt. Diskutuam gjithashtu një qasje të përbashkët për kthimet, si hallka munguar e Paktit, dhe eksploruam ide të reja për menaxhimin e migracionit.
Sa i përket sigurisë së brendshme, trajtuam kërcënimet e reja gjeopolitike dhe ato në hapësirën online – elementë kyç të strategjisë që do të paraqes në mars”, shkruan ai.
