Megatenderi, kujt ia “qepi kostumin” sipas trupit Enea Karakaçi dhe Bledian Dalipi?

Drejtoria e OSSH e Tiranës në udhëheqjen e Bledian Dalipit si drejtor i përgjithshëm ka rishpelllur megatenderin e makinave me qira pasi “qepi kostumin” siç e donte një prej oligarkëve të makinave në Shqipëri.

Tenderi me vlerë 6.2 milionë euro duket se është paracaktuar për një kompani të njohur në Shqipëri, fituesi i përhershëm i këtyre procedurave për OSHEE-në.

Tashmë operatorët (!) gjoja kanë kohë deri në fund të nëntorit për të dhënë ofertat e tyre, por që kur u anulua fillimisht ky tender në shtator u duk qartë se për kë ishte përgatitur e gjithë procedura.

Sipas dokumenteve nga 170 mjete që do të merren me qira të paktën 159 mjete janë për Operatorin e Sistemit të Shpërndarjes, kompania që kujdeset për rrjetin dhe faturimet ndërkohë që vetëm 11 mjete i përkasin Furnizuesit të Shërbimit Universal që është operatori që siguron energjinë për të gjithë konsumatorët fundorë në tregun e rregulluar.

Kujtojmë se tenderi u anulua pasi në krye të OSHEE Group erdhi Enea Karakaçi dhe pasi përzënies se Ardian Çelës nga drejtimi i kompanisë shtetërore për shkak të sherrit me Belinda Ballukun. Karakaçi, si drejtor i ri në krye të OSHEE-sësigurisht që nuk mund të operonte me kriteret e Çelës duke caktuar ai kriteret e veta. Prandaj edhe megatenderi u anulua kur ai erdhi në krye të OSHEE-së dhe është rishpallur tashmë.

Gazeta Jonë do ta ndjekë këtë procedurë të dyshimtë dhe do të raportojë edhe në vijim për fituesin që duket se është paracaktuar tashmë.

Kushtet

Të detajuara lista e mjeteve me qira tregon se të paktën 5 mjete këtohet të jenë SUV, 10 prej tyre  EC/SUV  ose Crossover, 150 pick-up, 4 SUV PHEV,  dhe 1 VAN min 6+1.

Mjetet sipas specifikimeve të bëra në dokumente kërkohen me kilometrazh zero, dhe minimumi duhet të jenë prodhim i vitit 2022. Kompania fituese nga kjo procedurë do të ketë të paktën 180 ditë kohë apo 6 muaj për të lëvruar gjithë sasinë e mjeteve të kërkuara ndërkohë që qiraja do të jetë për një periudhë 36 mujore apo rreth 3 vite.

Në dokumente Ossh Tiranë ka specifikuar se operatorët duhet të paraqesin në dokumentet e ofertës edhe specifikimet që lidhen me limitin për kilometra për ndërrimin e gomave limitin e km për zëvendësimin e amortizatorëve, ndërrimin e filtrave dhe vajit të motorit, si edhe të gjitha serviseve periodike të nevojshme për tu kryer ne mjetet e dhëna me qera per të gjithë periudhën e zbatimit te kontratës, referuar specifikimeve teknike./Gazeta Jone