Detaje të reja kanë dalë në dritë nga megoaoperacioni ku u arrestuan rreth 200 persona në të gjithë vendin. Mësohet se hetimi ka nesur para 6 muajsh dhe nga të paktën 200 të arrestuar, 112 janë vetëm në Tiranë. Megaoperacioni u finalizua mëngjesin e sotëm, ku u angazhuan qindra forca policie. Siç u raportua edhe më herët, operacioni u shtri në disa qytete: Tiranë, Elbasan, Fier e Durrës.
Në mesin e të arrestuarve ka punonjës shteti, policë e qytetarë të thjeshtë. Mësohet se aksioni është mbajtur në sekret të plotë për muaj me radhë, teksa specialistët e Antidrogës bënin blerje dhe porosi të simuluara.
Mbrëmjen e kaluar u ushtruan kontrolle banesash, ndërsa u sekuestrua sasi e konsiderueshme lëndësh narkotike. Zonat ku operonin këta persona ishin në “5 Maji”, Laprakë, ‘Ali Dem’, ‘Komuna e Parisit’, ish-Bllok, ‘Qyteti Studenti’, ish-Parku i Autobusëve, Kamëz, Astir, Vorë dhe Krujë.
