Dhjetra shqiptarë kanë rënë në prangat e policisë pas një operacioni antidrogë në Europë e në vendin tonë. Nga operacioni ndërkombëtar që është zhvilluar në orët e fundit mësohet se janë arrestuar 55 persona, nga të cilët 27 janë shqiptarë. Bëhet me dije se hetimet për të shkatërruar grupin kriminal në fjalë kanë nisur që në vitin 2018, ndërsa droga e kapur vinte nga Vlora.
Nga kontrollet karabinierët kishin vënë re se një Nigerian kalonte gjithmonë në një stacion autobusi në Tributina duke shtyrë një karrocë me rrota në të cilën kishte rroba të përdorura. Pas kontrolleve u zbulua se karroca kishte drogë në brendësi dhe jo rroba.
Shkatërrimi i rrjetit u bë ps dy vitesh hetimesh dhe përgjimesh, dhe ndjekjesh, ndërsa droga dyshohej se vinte nga Shqipëria dhe më pas shkonte në Itali dhe Gjermani, ku nisej me autobus ose përmes linjës hekurudhore. Ata që e shpërndanin më së shumti drogën ishin nigerianë që kamufloheshin si endacakë ose të pastrehë. Në krye të rrjetit të mirëorganizuar ishin shqiptarë, ndërsa operacioni u zhvillua në tre shtete, Gjermani, Shqipëri dhe Itali.
Në pranga kanë rënë 55 persona, mes të cilëve 52 burra dhe tre gra. Ndër këta 27 shtetas janë shqiptarë, 23 nigerianë, katër itailanë dhe një gambian.
