Kryetari i Partisë Republikane, Fatmir Mediu, kërkoi mbështetje nga Grupi Konservator dhe Reformist në Parlamentin Europian për krijimin e një qeverie teknike, duke theksuar se Shqipëria është kthyer në një republikë kryeministrore, ku Edi Rama vepron pa respektuar Kushtetutën dhe ligjin.
Mediu i referoi raporteve të OSBE/ODIHR që theksojnë se zgjedhjet në Shqipëri nuk janë të lira dhe të ndershme, duke përmendur ndikimin e krimit të organizuar dhe përdorimin e administratës publike nga partia në pushtet.
“Si rregull, ne duhet t’i bindemi ligjit dhe Kushtetutës. Por nga një republikë parlamentare, Shqipëria është kthyer në një republikë kryeministrore, dhe Edi Rama bën çfarë dëshiron. Nuk respekton Kushtetutën, nuk respekton ligjin, vepron sipas qejfit duke e konsideruar Shqipërinë si pronë private. Në Shqipëri, krimi i organizuar, ata që pastrojnë paratë, intimidojnë votuesit, blejnë vota dhe administrata publike përdoret nga partia në pushtet – tha Mediu
