KAKAVIJË
Qëndrimi në një radhë të gjatë të shqiptarëve në doganën e Kakavijës ka përbërë një lajm edhe për mediat greke.
Sipas asaj që shkruajnë mediat helene, radha e makinave në Kakavijë ka shkuar deri në 12 kilometër, ndërsa shtojnë se gjithçka është zhbollkuar falë fakltit se pala greke lehtësoi mënyrën e kalimit për qytetarët shqiptarë.
“Shqiptarët prisnin në radhë prej ditësh. Gjithçka u lehtësua, falë faktit se vendimi i fundit i palës greke ishte që të punohej me më shumë sportele. Në Kakavijë, kanë dalë 750 qytetarë në një ditë të vetme, ndërsa në Kapshticë 300 qytetarë”, theksojnë më tej mediat helene.
Më tej, thuhet se kanë qenë jo pak, por mbi 4000 makina që prishin në radhë në kufi, për të shkuar në tokën greke, me qëllim që të punojnë si punëtorë sezonalë, kryesisht në bujqësi.
Në shkrim, saktësohet se Ministria e Jashtme shqiptare ka bashkëpunuar me autoritetet greke dhe si përfundim, u lehtësuan procedurat e kalimit të qytetarëve nga Shqipëria për në Greqi.
Ndërsa, për situatën reaguan edhe zyrtarë të tjerë të shtetit, shqiptar. Një karantinë e detyrueshme 7-ditore do të lëshohet për të gjithë shqiptarët që shkelin në tokën greke.
