Kukfizimet e vendosura nga pandemia kanë sjellë probleme me turizmin në të gjithë botën, por mediat serbe kanë mendime të tjera për turizmin në Shqipëri. Media e njohur “B52” i ka bërë reklamë Shqipërisë duke e quajtur “Greqia e Re”.
Ata shkruajnë se vendi ynë është i duhuri për të kaluar pushimet, ashtu siç ka ndodhur edhe verën e kaluar. “B52” shkruan se Shqipëria ka çmime të favorshme dhe qëndron e hapur gjatë gjithë kohës, në një moment që vendet e tjera të rajonit e kanë pasur të mbylluar sezonin vitin e kaluar.
Ndër të tjera media serbe citon edhe agjenci udhëtimesh në vendin tonë që kanë publikuar tashmë çmimet dhe ofertat për vitin 2021. Duket se interesimi është i madh nga shumë persona që kanë kaluar pushimet në vendin tonë dhe duan të rezervojnë sërish. Çmimet e akomodimit janë të njëjta me vitin e kaluar dhe sigurohet transporti edhe për në Durrëës, Ksamil dhe Sarandë. Këto të gjitha janë të shoqeruar me oferta hotelesh në qytetet bregdetare.
Ajo që është më e rëndësishmja, shkruan media e njohur serbe, është se në Shqipëri nuk kërkohet tampon që vërteton se je negativ për të kaluar kufirin. Në artikull shkruhet se akomodimi për dy persona shkon në 40 euro nata, madje në hotele të caktuara mund të gjesh oferta që përfshijnë edhe mëngejsin dhe çmimi thuajse nuk ndryshon. Ndër të tjera, B52 shkruan se në Durrës çmimet e akomodimit arrijnë edhe deri në 20 euro.
