Ditën e sotme kreu i Partisë Konservatore, Kujtim Gjuzi, është përplasur sërish me kryetarin e Kuvendit, Gramoz Ruçin.
Gjuzi ka kërcënuar Ruçin me mocion shkarkimi, nëse nuk i jep fjalën për replikë deputetëve të opozitës, shkruan “Panorama”.
Më tej ai i ka thënë Ruçit, se janë votat e opozitës që po e mbajnë parlamentin në këmbë.
“Duhet te na japësh mundësi për replikë se unë të bëj mocion për shkarkim. Kujdes zoti kryetar. Ke 28 mandate këtu dhe e mban vendin aty, prandaj here tjetër kushdo që të jetë nëse kemi një replikë duhet të na lejosh”, u shpreh kreu i Partisë Konservatore.
Menjëherë Ruçi i është përgjigjur, duke i thënë të ketë kujdes dhe të flasë me etikë në Parlamenti.
Më tej ai i ka këruar Gjuzit që të respektojë kodin e veshjes.
“Kujdes zoti Gjuzi dhe here tjetër kur te flasësh respekto rregulloren dhe te flasësh me etike dhe e treta here tjetër ne Parlament te jesh i veshur sipas Rregullores”, tha kryeparlamentari.
Kreu i Partisë Konservatore ishte paraqitur ditën e sotme në Parlament me xhinse, këpucë me majë dhe xhup sportiv.
