Gjykata e Tiranës ka pranuar kërkesën për gjykim të shkurtuar, për shtetasin turk, Selami Simsek.
Ky i fundit u kap në Rinas së bashku me mësuesin Harun Çelik, i cili u depërtua pak ditë më parë.
Nga gjykimi i shkurtuar, Simsek do të përfitojë uljen me 1/3 të dënimit.
Kërkesa e palës mbrojtëse, u pranua nga gjykatësi, Ahmet Metalia.
Prokurorja Anila Galanxhi kërkoi shtyrjen e seancës, për përgatitjen e konkluzioneve përfundimtare të pretencës.
Seanca e radhës për turkun, pritet të zhvillohet më 27 janar ora 10:00.
Simsek u arrestua në korrik të 2019-ës në Rinas, teksa po tentonte të shkonte drejt Kanadasë me vizë false.
Prokurorja e çështjes tha gjatë seancës, se itinerari i turkut ishte Rinas-Vienë-Toronto.
Pas arrestimit, Simsek ka deklaruar, se vizën e ka marrë në Prishtinë për 5 mijë euro.
Selami Simsek u arrestua 5 muaj më parë në Rinas, së bashku me mësuesin Harun Çelik.
Ky i fundit u deportua drejt Turqisë, edhe pse ndaj tij nuk kishte urdhër arresti nderkombetar.
Çelik kërkohej nga autoritetet turke, si pjesë e gylenistëve, të drejtuar nga imami Fetullah Gylen.
Ky i fundit është kundërshtari më i madh i presidentit turk Erdogan, i cili e ka bërë fajtor për grushtin e shtetit.
