Në zgjedhjet e pjesshme vendore të 6 Marsit, aleanca “Shtëpia e Lirisë” fitoi në Shkodër.
Kryetari i Bashkisë së Shkodrës, Bardh Spahia, i dalë nga zgjedhjet e 6 marsit i bashkisë së Shkodrës, ka treguar detajet e para pas fitores. Në një intervistë për “Fax News” Spahia rrëfeu edhe marrëdhënien me ish-kryeministrin Sali Berisha dhe telefonatën e marrë nga ai pas fitores. Ai tregoi se Berisha ishte i entuziazmuar dhe se ka marrë urimet më të mira nga ai.
Gjithashtu ai ka shtuar se ka marrëdhënie tejet korrekte me ish-kryeministrin Berisha dhe e konsideroi si një fitore të madhe për demokratët dhe Komisionin e Rithemelimit.
“Ishte i entuziazmuar, më telefonoi. Më bëri urimet më të mira dhe të përzemërta. Marrëdhëniet me të i kam shumë korrekte. Ka qenë një fitore e madhe për demokratët dhe Komisionin e Rithemelimit dhe entuzizmi i parë ka qenë telefonata e profesor Berishës “Urimet më të mira”- më tha me një entuziazëm të madh. Me Xhemal Bushatin kemi pasur bashkëpunime por pas procesit të garimit nuk kemi pasur komunikim. Kishin frikë se për herë të parë në 30 vjet mund ta humbnim bashkinë tek socialistët se ishte situatë e pazakontë,”-tha ndër të tjera Spahia.
Kujtojmë që në zgjedhjet e pjesshme vendore të 6 marsit ai arriti që të mundte në garë dy rivalët e tjerë, Majlinda Angonin nga PS dhe Xhemal Bushatin nga Partia Demokratike.
