Detaje të reja janë bërë me dije për ngjarjen e ndodhur ditën e djeshme në Elbasan, ku u ekzekutua me breshëri plumbash Ardian Subashi Çollaku dhe më pas ndërroi jetë në spitalin e Traumës. Po ashtu ndërroi jetë edhe Lulzim Bitri, personi që ishte me Çollakun. Mësohet se të dy viktimat kishin precedentë të mëparshëm penal. Pista kryesore që po heton policia është ajo e larjes së hesapeve.
Ardian Çolluaku ishite arrestuar në 26 majt të vitit 2015 në qendër të Elbasanit. Vetëm një ditë para se të arrestohej, ai ishte shpallur në kërkim ndërkombëtar nga Interpol Tirana. Gjykata e Modenas e kishte dënuar atë me 23 vjet e 3 muaj e 17 ditë burgim për veprat penale të “Shfrytëzimit të prostitucionit” dhe “Prodhimit dhe mbajtjes pa leje e armëve luftarake dhe e municionit”. Ndër të tjera, Çollaku ka qenë edhe subject i OFL-së, pas ii ishte kërkuar deklarimi i pasurisë.
Ndërkohë, Lulzim Bitri ishte dënuar me 4 muaj burg në Maqedoninë e Veriut, pasi në vitin 2018 ishte i përfshirë në një përplasje me armë zjarri në Tetovë, ku një person mbeti i vrarë.
Ditën e djeshme Çollaku dhe Bitri janë qëlluar me më shumë se 17 plumba sapo kanë dalë nga një kafene në hyrje të Elbasanit. Autorët u larguan nga vendi i ngjarjes, ndërsa një makinë tip “Volvo” është gjetur në afërsi të ish-Metalurgjikut, pak kilometra larg vendit ku ndodhi krimi.
Kamerat e policisë që ndodheshin në ambientet përreth janë sekuestruar nga policia, ndërsa janë shoqëruar dhe disa persona në komisariat.
