Ademir Fresku, këngëtari shkodran i plagosur disa ditë më parë në qytetin e Shkodrës, ka rrëfyer detaje të ngjarjes në një intervistë për emisionin “Me Zemër të Hapur”
Ai ka shpjeguar se e njihte autorin e sulmit dhe kishte kërkuar që ky i fundit të mos vizitonte më lokalin e tij, një kërkesë që çoi në ngjarjen e rëndë.
Fresku ka thënë se nuk dëshironte të ishte pjesë e konflikteve dhe se goditja ka ndodhur nga pas, pa e kuptuar menjëherë se çfarë kishte ndodhur. Ai ka shpresuar që drejtësia të merret me çështjen dhe ka theksuar se autorin e kishte takuar disa herë, duke përmendur që ai kishte bezdisur punonjësit e lokalit të tij.
“Nuk doja të isha pjesë e këtyre gjërave. Është bërë më e madh se ç’duhet. Jam goditur pas shpine por shpresoj që gjithçka të zgjidhet nga shteti. Me autorin njiheshim, mundohesha t’i njihesha e ti respektoja të tërë. E kam takuar 3-4 herë. I ka bezdisur disa herë punonjësit e lokalit tim, por nuk i kam hyrë shumë në detaje. I kisha thënë në mënyrën më qytetare të mundshme që të mos vinte më në lokalin tim.
