Drejtori i Urgjencës Kombëtare Skënder Brataj, ka deklaruar se koronavirusi e ka humbur aftësinë e tij për të bërë dëme.
Brataj ndër të tjera u shpreh se virusi ka pësuar mutacione të lehta, duke shtuar se moshat e treta po e kalojnë virulencën më mirë se moshat e reja dhe se numri i këtyre të fundit sa vjen e rritet.
Mjeku theksoi se kjo situatë po ndodh për arsye se të rinjtë janë neglizhentë, ndërsa të moshuarit po mbrohen me aq sa munden duke respektuar të gjitha masat.
“Virusi e ka ndryshuar shfaqjen e sëmundjesshmërisë. Djersët apo kolla janë format e lehta, ndërsa temperatura dhe bllokimi i mushkërive janë format e rënda. Ne po shohim tani të moshuar që po ia hedhin sëmundjes dhë të rinj që po këputen. Sepse të moshuarit po mbrohen. I terrorizuam moshat e treta, mos dilni se do vdisni, bëni kujdes. Ndërsa të rinjtë nuk po marrin masa. Janë më neglizhentë”, është shprehur kreu i Urgjencës Kombëtare, Skënder Brataj./GazetaReforma.com/
