Prezantuesja e njohur Rudina Magjistatri është personazhi i radhës që infektohet me COVID-19. Lajmin e ka bërë ajo vetë të ditur gjatë ditës së sotme kur e ka prezantuar emisionin e saj të përditshëm në një mënyrë ndryshe. Ajo ka qenë në shtëpi dhe ka realizuar një lidhje Skype ku edhe ka drejtuar eimisonin dhe ka thënë se në fakt nuk e ka bërë tamponin, por i ka të gjithë simptomat e virusit. Aktualisht ajo është e izoluar dhe po merr mjekimin e nevojshëm
“Përshëndetje të dashur miq, sot ndryshe nga çdo herë tjetër në programin tonë, ju përshëndes nga shtëpia ime. Jam në një kënd këtu të improvizuar për të bërë një lidhje me ju drejtpërdrejt nëpërmjet Skype pasi e kisha të pamundur që sot të vija në studio. Pse do thoni ju, e nuk ka arsye tjetër përveç Covidit. Mesa duket ishte momenti për ta pasur unë radhën për të kaluar Covidin.
Në fakt me thënë të drejtën tamponin nuk e kam bërë ende, por simptomat janë bërë shumë të qarta, për më tepër që në familje, bashkëshorti im dje ka rezultuar me tampon me Covid kështu që duke presupozuar që mund ta kem dhe unë preferova të marr menjëherë masat, të izolohem dhe ndërkohë në ditët në vijim të bëj tamponin. Sigurisht që kam filluar mjekimin me mjekun infeksionit Gentian Stroni, kam qenë gjatë gjithë kohës në kontakt me të dhe kam rastin ta falenderoj dhe përshëndes sepse ka qenë gjithmonë i gatshëm për të më ndihmuar me këshillat dhe sugjerimet e tij.”- ka thënë Rudina.
Prezantuesja ka lajmëruar se gjatë karantinimit të saj do të ketë herë pas here lidhje të tilla, ku ajo do të drejtojë emisionin nga shtëpia e saj.
