Deputeti Dashnor Sula ka zgjedhur një mënyrë të veçantë për t’u paraqitur sot në Kuvend.
Ai ka sjellë me vete presh, patate, lakër dhe një lopatë, duke simbolizuar problemet që po kalon sektori i bujqësisë.
Para hyrjes në seancë, Sula theksoi se ky pritet të jetë një vit i vështirë për të ardhurat e fermerëve.
Ai shpjegoi se, megjithëse është rritur pagesa për vjeljen e ullinjve, duke e bërë periudhën më të ngarkuar për fermerët e zonave të Peqinit dhe Belshit, sërish mbetet e vështirë gjetja e punëtorëve.
“Periudha e vjeljes së ullirit, 30 mijë lekë kuintali i vjeljes dhe sërish nuk ka persona për të kryer punën. Litri i vajit po bie dhe do të jetë i tmerrshëm sërish ky vit për të ardhurat e bujqve”, u shpreh Sula.
