Një 37 vjeçar ka rënë në prangat e policisë pasi po lëviste i armatosur. Blutë e Tiranës pasi kanë ndaluar shtetasin Andi Zogës kanë ushtruar kontroll në mjetin e tij, ku dhe kanë gjetur një armë zjarri pistoletë me municion luftarak, si dhe sasi të vogla lënde të dyshuar narkotike kokainë dhe kanabis.
Gjithashtu, u procedua penalisht shtetasja E. B., 35 vjeçe, banuese në Tiranë.
Pistoleta dhe lënda narkotike janë sekuestruar në cilësinë e provës materiale.
Njoftimi i Policisë
“Tiranë/ Finalizohet nga Forca e Posaçme “Shqiponja”, në bashkëpunim me Komisariatin e Policisë Nr. 6 operacioni policor i koduar “Sunday”. Qarkullonte me automjet i armatosur dhe me lëndë narkotike, vihet në pranga 37-vjeçari. Procedohet penalisht pasagjerja në mjet. Sekuestrohen një armë zjarri pistoletë me municion luftarak, si dhe sasi të vogla lënde të dyshuar narkotike kokainë dhe kanabis. Shërbimet e Forcës së Posaçme “Shqiponja”, në bashkëpunim me Komisariatin e Policisë Nr. 6, në vijim të punës për goditjen e paligjshmërisë në fushën e armëmbajtjes pa leje, bazuar dhe në inteligjencën informative për një shtetas që qarkullonte i armatosur në rrugën dytësore Tiranë-Vorë, menjëherë kanë organizuar punën për kapjen e tij dhe kanë finalizuar operacionin policor të koduar “Sunday”. Si rezultat i tij u arrestua në flagrancë shtetasi A. Z., 37 vjeç, banues në Golem. Gjithashtu, u procedua penalisht shtetasja E. B., 35 vjeçe, banuese në Tiranë.
