Sezoni i ri i emisionit të Luanës në “Top Chanel” nisi shumë normalisht dhe pa ndonjë ndryshim shumë të madh në strukturën e emisionit apo edhe stafit të punës.
Por menjëherë pas puntatës së parë gjërat ndryshuan menjëherë dhe mungesa e njërit prej kapitenëve të skuadrave u vu re nga të gjithë.Aktori i “Portokallisë” Rezart Veleshenja u largua papritur nga emisioni pa dhënë asnjë shpjegim as ai dhe as moderatorja e autorja e emisionit Luana Vjollca.
Por gjatë këtyre ditëve mediat kanë treguar arsyen që mund të ketë nxitur largimin e tij. Sipas “Dosja.al” moderatorja e emisionit dhe aktori kanë pasur një debat të fortë me njëri-tjetrin dhe kjo ka bërë që Luana ta largojë Rezartin nga emisioni. Ndërsa burime pranë “Prive.al” kanë mësuar se përplasja mes tyre ka ndodhur në studio, ndërkohëqë xhirohej emisioni dhe prandaj një javë më vonë ai është xhiruar sërish me kapitenin e ri.
Në disa statuse në Insatstory, Veleshnja shkruan se lajmet e largimit të tij të emisionit dhe sherrin e ndpdhur mes tij dhe Luanës, janë të rreme.Madje, aktori ofendon edhe gazetarin që e ka bërë lajmin të cilin ai e ka publikuar, duke e quajtur ‘palaco’. Ndërsa mungesën e tij në emision për javët e kaluara, e justifikon me fjalët: Kam qenë i zënë!
“O ti çun që mashtron duke bërë lajmë fake dhe merr 40 mijë lekë në muaj. Njerëz palace, s’ka asnjë sherr përveç faktit që kam qenë i zënë. Boll mashtruat,”- shkruan ai në një story, ndërkohë në një tjetër foto, ka publikuar veten e tij me maskën ‘Shiko kush luan’, si për të treguar se është ende në këtë emision.
