Ditën e sotme kyeministri Edi Rama ka publikuar të dhënat e kurbës së përhapjes së koronavirusit në Europë dhe në botë.
Kurbë më të ulët se Shqipëria, ka vetëm Kosova, Japonia dhe Singaporti, ndërsa gjithë vendet e tjera kanë pësuar rritje, duke shënuar kështu një rekord pozitiv.
“Kurba e përditësuar sot, me ndihmën e Zotit dhe rezistencën e madhe të të gjithëve ju, ne do t’ia dalim po nuk lëshuam asnjë centimetër vijën tonë të hekurt të mbrojtjes,”-shkruan Rama në postimin e tij.
https://www.facebook.com/138734771522/posts/10157589853681523/
Ditën e sotme ka shkuar në 243 numri i të prekurve nga COVID-19, pasi gjatë 24 orëve të fundit janë shënuar 20 raste të reja nga 145 testime të kryera.
Sakaq, mëngjesin e sotëm ka ndërruar jetë edhe një 62-vjeçar nga Durrësi, duke e çuar në 13 totalin e viktimave, teksa në urgjencën e Infektivit janë të shtruar 77 persona, ku 8 prej tyre ndodhen në terapi intensive, 3 prej të cilëve janë intubuar.
Durrësi ka një shtim të ndjeshëm të numrit të të prekurve me 12 raste të reja, duke shkuar në 26, por nga ana tjetër gjatë 24 orëve të fundit janë shëruar edhe 8 pacientë duke e çuar numrin në 52 numrin e të shëruarve në total.
Shpërndarja gjeografike e rasteve pozitive, është si vijon:
– Tiranë 129 raste
– Durrës 26 raste
– Lushnje 4 raste
– Elbasan 5 raste
– Fier 23 raste
– Kavajë 4 raste
– Rrogozhinë 2 raste
– Korçë 15 raste
– Vlorë 5 raste
– Shkodër 8 raste
– Lezhë 5 raste
– Berat 1 rast
– Has 2 raste
– Krujë 5 raste
-Tropojë 4 raste
– Pukë 3 raste
– Mirditë 2 raste
