Khabib Nurmagomedov fitoi mbrëmjen e kaluar duelin kryesor të UFC 25 përballë amerikanit Justin Gaethje i cili u dorëzua në minutën e dytë të raundit të dytë.
Pas fitores mahnitëse, Khabib shpërtheu në lot teksa rrëfeu se kjo ishte hera e parë e tij që ishte kthyer në kafaz që kur babai i tij Abdul, gjithashtu ish-trajneri i tij, vdiq në Moskë muaj më parë i prekur nga Koronavirusi. Në fakt, nuk është vetëm kjo.
Më tej 32-vjeçari nga Dagestani tha se pas duelit se kishte vendosur të tërhiqej nga MMA, pasi e kishte të pamundur të vazhdonte luftërat pa patur babanë e tij në krah dhe ky ishte një premtim që i kishte bërë të ëmës.
“Kur UFC më telefonoi për t’u ndeshur me Justin fola me nënën time për 3 ditë me rradhë. Ajo nuk donte që unë të luftoja pa babain tim, por i premtova se do të ishte ndeshja ime e fundit. Nëse jap fjalën time duhet ta mbaj”,- tha Khabib duke shokuar të gjithë fansat e tij.
Luftëtari nga Dagestani la një rekord fenomenal në MMA, me 29 fitore në 29 ndeshje, 8 prej të cilave i ka fituar me “knock-out”, ndërsa 11 me dorëzim të kundërshtarit. Vetëm 10 suksese i ka marrë me vendim të jurisë.
