Rike Roçit i kanë ardhur në majë të hundës lajmet për veten dhe lidhjen e saj me muzikantin apo politikanin, të cilët as vetë ajo nuk i njeh.
Bukuroshja shqiptare ka reaguar sot përballë të gjithë atyre titujve që “zbulonin” lidhjen e saj romantike:
“Tani unë vetë dua të di kush është muzikanti dhe kush është politikani? Gjëra që as nuk i di për veten. Boll, çdo javë lexoj për veten diçka jo reale. Më lini rehat. U lodha duke lexuar shpifje për veten, të paktën shkruani diçka të vërtetë”, shkruan Rike në postimin e saj.
E vetmja histori rozë për të cilën ishte përfolur së fundi ishte ajo me reperin Noizy.
Pas komenteve pikante që shkëmbenin dhe fotot ku kishin pozuar bashkë, ndjekësit e bukuroshes nisën të mendonin se mund të kishte diçka më shumë se shoqërore mes tyre, por jo. Vetë Rikja tregoi se nuk ka asgjë tjetër përpos shoqërisë me reperin.
Më pas bukuroshja publikoi një foto të një djaloshi mjaft elegant, i cili ishte presidenti i lëvizjes “5 Stelle” në Itali, Luigi di Maio:
“Eh po, kam rënë në dashuri”, u shpreh ajo në foton e publikuar në Instastory, për të cilën u bë pishman shumë shpejt dhe e fshiu pikërisht pasi tërhoqi vëmendjen e të gjitha mediave.
